Posts filed under ‘Poësie’

Plat klippies

deur Roon Lewald

Onthou jy daardie plat, laag-gegooide klippies
wat so prettig huppel oor ‘n kalm watervlak?
Hulle ewige ge-spat!-spat!-spat!
terg
die rustende ou reus van swaartekrag
totdat hy vererg
ontwaak, met ‘n harige ou poot
die stoutgoed één-één gryp
en vinnig afsleep ( kloeps!)
diepte-toe.

Só vliet ook oor die kabbelwaters
van jou kinderdae
daardie klein belewenisse
wat so vinnig deur jou grootword
ingehaal en vasgetrap word
op die bodem van jou siel.

Maar in later jare sypel hulle
uit vergete lae van jou wete op.
Hulle gloei en fluister
van vergane leed en vreugde:
al die klein geheime
en die groot-groot vrae
wat jou eens geprikkel het

As jy mooi kyk, kan jy leer
uit dié hervonde prentjies
van weleer:
jy kan insig uit ervaring wen
as jy alle stasies
van jou wording ken;

en ‘n hart wat jonk gebly het,
en kan huppel soos ‘n kind,
sal langs elke oewer klippies vind –
daardie laaggegooide plattes,
wat so prettig spat!-spat!-spat!

Advertisements

March 20, 2008 at 6:41 pm Leave a comment

Gebet für Afrika

by Roon Lewald
 
(Empfindungen in der Karro-Halbwüste
während der Apartheid-Ära, ca. 1987)

Die Feuergeißel schwindet.
Kühle lindert
das verschmorte Land.
Im Wolkenbrand
verkohlen letzte Tagesopfer
auf dem Rost der Nacht.
Myriadenfach
lodern Feuerkugel kalt,
erschreckend groß, uralt
im Indigo des Himmelsdachs.

Dankbar hüllt das nackte Land
sich ein in ihrem Glühen,
andächtig harrend
auf das Kreuz des Südens.
Endlich steht es tröstlich da,
Dein Zeichen, Herr, bis es
erblasst im Morgengrau.

Nkulunkul’ Nkoos’!
Großer Gott, wir danken Dir
für Deinen kurzen Trost.
Doch warum nimmst Du
ihn denn von uns,
gerade wenn Dein Licht
in unsre Alltagsnot
so gnadenlos einbricht?

Nkosi, sikelel’ i Afrika:
Herrgott, erbarme Dich!
Segne Afrika
bei Nacht UND Tag!

Amen.

March 19, 2008 at 12:06 am Leave a comment

So leeg

deur Roon Lewald

So leeg, die wye blou,
dat elke roering aandag trek.
‘n Stippeltjie draai swart daarbo:
‘n aasvoël – of ‘n vlokkie veldvuur-as?

March 17, 2008 at 6:40 am Leave a comment

Besies en beeste

deur Roon Lewald

Daar’s ‘n land van middaghitte
waar besete besies anéén skril:
Onsishierhierhier-
waar-is-jul-jul-jul-
waarom-so-stil-stil-stil?
Iewers woerrr
‘n wolkie vlieë in die gras
waar ‘n bees gemaklik roer.
Oor die tafereel
verf hy met sy stertkwas –
rooibruin teen gebleikte geel –
G-a-a-p.
Bly stil.
Ons slaap.


March 17, 2008 at 6:34 am Leave a comment

Newer Posts


Haai!

  • 252,252

Dorpsbewoners

Argiewe

Onlangse Lesers

View My Profile View My Profile View My Profile View My Profile View My Profile View My Profile View My Profile View My Profile View My Profile View My Profile

Kalendar

October 2018
S M T W T F S
« May    
 123456
78910111213
14151617181920
21222324252627
28293031  

del.icio.us